Universitato de Szczecin (US) (pole: Uniwersytet Szczeciński, latine: Universitas Stetinensis) estas unu el la tri ŝtataj universitatoj kiu havas sidejon en Szczecin, la ĉefurbo de Okcidentpomeria Provinco en Pollando. La aliaj estas la Okcidentpomeria Teknologia Universitato kaj la Pomeria Medicina Universitato. Ĝi estis fondita la 21-an de julio 1984. Ĝia rektoro estas ekde la jaro 2012 profesoro Edward Włodarczyk. En la jaro 2011 la universitato havis 22 703 studentojn.
Universitato de Szczecin estas nuntempe la plej granda altlernejo sur teritorio de Okcidentpomeria Provinco. Ĝi konsistas el 13 fakultatoj.