Gantopupo (aŭ gantpupo laŭ PIV, foje ankaŭ nomita ŝtrumpopupo sub la influo de la anglalingva vorto sockpuppet) estas en vikipedio aldona uzantokonto de ensalutinta vikipediisto, kiun tiu ĉi povas utiligi por ŝajnigi al si subtenon en diskuto, debato aŭ alia kunteksto. En la esperantlingva Vikipedio la fenomeno de gantopupumado ĝis nun ne estas tre vaste konata. Tamen ĝi estas granda problemo en pli grandaj nacilingvaj vikipedioj. Ĝenerale estas kondamnite, ke uzanto verkas sub diversaj nomoj (gantopupoj), ĉar tio donas falsan bildon pri vikipedio, kaj absolute ne tolereblas, se vikipediistoj duoble aŭ eĉ pluroble partoprenas en baloto per diversaj uzulaj kontoj.