Virina Futbala Mondpokalo 2011

Virina Futbala Mondpokalo 2011 FIFA Frauen-Weltmeisterschaft Deutschland 2011
Turniraj detaloj
Loko	Germanio
Datoj	26-a de junio - 17-a de julio 2011
Teamoj	16 (el 6 konfederacioj)
Ejoj	9 (en 9 urboj)
Finaj pozicioj
Ĉampiono	Japanio (1-a ĉampioneco)
Dua pozicio	Usono
Tria pozicio	Svedio
Kvara pozicio	Francio
Turniraj statistikoj
Matĉoj	32
Goloj	86  (2,69 matĉe)
Spektantoj	845 751  (26 430 matĉe)
Golreĝo(j)	Homare Saŭa (5 goloj)
Plej bona ludisto	Homare Saŭa
v • d • r

La ĉampionado pri la Virina Futbala Mondpokalo 2011, oficiale Virina Mondpokalo de FIFA 2011, estis turniro por naciaj teamoj de futbalistinoj - la sesa tiaspeca ĉampionado. Ĝi okazis inter la 26-a de junio kaj la 17-a de julio 2011 en pluraj urboj de Germanio. Laŭ la regularo rajtis partopreni 16 teamoj: Al la turniro komence aliĝis 126 naciaj teamoj kaj en antaŭturniraj matĉoj elektiĝis la 16 plej bonaj. Mondĉampiono kaj gajninto de la pokalo post matĉofinaj penaloj la 17-an de julio 2011 iĝis la japana virina nacia teamo de futbalo, la duan pozicion akiris la teamo de Usono kaj la trian tiu de Svedio.

La jenaj naciaj teamoj partoprenis en la turniro:

1 Teamo de la gastiga lando	Germanio
4 el Eŭropo (UEFA)	Anglio	Francio	Norvegio	Svedio
2 el Sudameriko (CONMEBOL)	Brazilo	Kolombio
3 el Nord- kaj Mezameriko (CONCACAF)	Kanado	Meksiko	Usono
2 el Afriko (CAF)	Ekvatora Gvineo	Niĝerio
3 el Azio (AFC)	Aŭstralio	Japanio	Nord-Koreio
1 el Oceanio (OFC)	Novzelando

La teamoj de Ekvatora Gvineo kaj Kolombio unuafoje partoprenis en la turniro.