2009ko Bertsolari Txapelketa Nagusia edo BTN09 urriaren 3 eta abenduaren 13 bitartean ospatu zen. Bertsolari Txapelketa Nagusiaren XV. edizioa izan zen eta bertan, Euskal Herriko 44 bertsolarik hartu zuten parte. Txapelketak guztira 14 saio izan zituen, horien artean 6 final-laurden, 7 finalaurreko eta finala. Finala abenduaren 13an jokatu zen Barakaldoko Bilbao Exhibition Centren eta Maialen Lujanbio atera zen txapeldun, txapelketa honen aurreneko emakume txapelduna bilakatuz. 80 urteko Joxe Agirre bertsolariak jarri zion txapela Maialen Lujanbiori.