Abertzale Sozialista Komiteak edo ASK Euskal Nazioaren Askapenaren aldeko sektore desberdinak biltzea helburutzat harturik, 1976an Bizkaian sortutako mugimendu autogestionario eta asanblearioa zen, ezker abertzalean kokatua.
1977an Hego Euskal Herri osora zabaldu, erakunde gisa egituratu eta berehala KASen (Koordinadora Abertzale Sozialista) sartu zen. 1978an Herri Batasuna sortzen lagundu zuen. ASKren lan-eremuaz eta KAS barnean zuen zereginaren inguruko eztabaida bizia izan zuen 1983-1986 urteen bitartean. Handik aurrera herri-mugimenduaren inguruko teoria garatu zuen. ASK-k herri-mugimenduak bultzatu eta garatzea zuen helburu, demokrazia eredu berri bat eraikitzeko bidean.