Aerobio

Aerobio izena bizitzeko oxigenoa behar duten izaki guztiei aplikatzen zaie, eta baita oxigenoa behar duten prozesu biokimiko guztiei ere.

Lur planetako jatorrizko atmosferak ez zuen oxigenorik, lehenengo izaki bizidunak anaerobioak izanik. Fotosintesia agertu zenean oxigenoa askatzen hasi zen, lehenengo bizidun aerobioak agertuz. Metabolismo aerobioa anaerobioa baino askoz eraginkorragoa da, glukosaren oxidazio aerobikoak askoz energia gehiago askatzen baitu anaerobikoak baino (ikus hartzidura). Ondorioz, bizidun aerobikoak nagusitzen joan ziren Lur planetaren gainean.

Arnasketa aerobioa glukosa oxidatzeko bide metaboliko bat da, zeinean oxigeno molekularra da elektroien azken hartzailea.