Antiprisma | |
---|---|
![]() | |
Taldea | Poliedro uniformeak |
Aurpegi kopurua | 2 n-gono + 2n hiruki |
Ertz kopurua | 4n |
Erpin kopurua | 2n |
Aurpegiak | n-gonoak eta hirukiak |
Erpin-konfigurazioa | 3.3.3.n |
Simetria-taldea | Dnd |
Schläfli sinboloa | s{2,n} |
Propietateak | Erdierregularra, ganbila |
Poliedro duala | Trapezoedroa |
![]() Garapena (gainazala) |
Geometrian, antiprisma oinarritzat bi poligono kongruente (berdinak, baina bata bestearekiko biraturik) eta albo-aurpegitzat triangeluak dituen poliedroa da. Oinarri baten erpin bat haren parean beste oinarrian dauden ondoz ondoko bi erpinak lotzean sortzen dira albo-aurpegi triangeluarrak. Adibidez, bi oinarriak karratuak dituen prisma batean (bi oinarriek zentro bera dute, baina bata bestearekiko 45° edo π/4 radian biratuta dago), bi oinarrien zortzi erpinak lotzen dituzten zortzi ertz daude eta irudiak, beraz, zortzi albo-alde triangeluar ditu: antiprisma karratu simetriko bat da[1].