Australasia

Australasia^[1] Australia, Zeelanda Berria, Ginea Berria eta hauengandik gertu dauden Indonesia ekialdeko uharte ugari bere baitan hartzen dituen lurraldea da. Hitza, Charles de Brossesek sartu zuen "Histoire des navigations aux terres australes"en 1756an. Berak, latinetik eratorri zuen "Asia hegoaldean", Polinesia eta Ozeano Barearen hego-ekialdetik bereizteko. Batzuetan, Australasia hitza, Australia eta Zeelanda Berria bakarrik izendatzeko erabiltzen da, bi herrialde hauei bakarrik erreferentzia egiten dien beste hitz baten akatsetik.

Zentzu politikoan, hitzak erabilera urria du. Australia eta Zeelanda Berriak, herrialde ingeles hiztun eta nahiko garatu bezala, amankomunean asko duten arren, lurraldeko beste herrialdeekin ia ez dute ezer amankomunean. Gainera, hitz hau, ez da oso ondo hartzen Zeelanda Berrian, garrantzi handiagoa ematen baitio Australiari.

Baina, biogeografia zentzuan, Australasia bada bereizitako lurralde bat, Australasiar ekozona izenekoa, amankomuneko historia ebolutiboa eta beste inon aurkitzen ez diren landare eta animalia motak dituena.

Wallace Lerroa, Australasia Asiatik banatzen duen lerro banatzaile biologikoa da eta bi plaka tektonikoen arteko muga da. Sulawesi eta Lombok, ekialdeko zatian, eta, beraz, australasiarrean daude, eta, Borneo eta Bali mendebaldekoan eta asiarrean.

Beranduago, Australasia, Australia eta Zeelanda Berriaren talde konbinatuaren kirol izen bezala erabili izan zen. 1905 eta 1913 artean, talde konbinatu batek, teniseko Davis Kopan parte hartu zuen, kopa hori lau aldiz irabaziz. Australasia izenpean Australiak eta Zeelanda Berriak, talde bakar bat osatu zuten Londresko 1908ko eta Stockholmeko 1912ko Olinpiar Jokoetan parte hartzeko.

1. ↑ Euskaltzaindia. (2012-03-30). 168. araua: Ozeaniako toponimia. .