Burmuin

Burmuin
Irudi gehiago
Xehetasunak
Honen parte	burua Nerbio-sistema zentrala sistema neurobaskularra
Kokapena	cranial cavity (en)
Konponenteak	Prosenzefaloa mesentzefaloa enbor entzefalikoa erronbentzefaloa
Artikulazioa	Bizkarrezur-muina Nerbio optikoa cranium (en)
Identifikadoreak
Latinez	cerebrum
MeSH	A08.186.211
TA	A14.1.03.001
Terminologia anatomikoa

Burmuina^[1] entzefaloaren zatirik handiena eta garrantzitsuena da, goi mailako ornodunengan eta, bereziki, gizakiarengan garapen eta konplexutasun handia duena. Nerbio-sistemaren egitura zuzendaria da.

Ugaztunen entzefalo barruan, burmuina prosentzefaloan dago, hots, eboluzioaren eskalan berriagoa den egituran. Entzefaloaren beste egitura zaharragoek, metentzefaloak eta mielentzefaloak (erronbentzefaloa osatzen dutenak) ez dute adimen-funtziorik garatzen, gorputzaren funtzio mekanikoez arduratzen baitira (mugimenduen koordinazioaz, arnas eta bihotz-jardueraren kontrolaz, etab.).

Burmuineko neuronen kopurua egundokoa da: ikertzaileak ez dira ados jartzen, baina 50.000 milioi eta bilioi bat artean dagoela uste dute. Era berean, burmuineko neurona bakoitzak milaka harreman sinaptiko eratzen ditu aldameneko neuronekin. Zahartu ahala, ordea, neuronen kopurua jaisten da.

1. ↑ «burmuin» Euskaltzaindiaren Hiztegia (Noiz kontsultatua: 2021-05-15).