Casus belli

Casus belli (euskaraz gerra-arrazoi) gerra bati ekiteko dagoen arrazoi edo aitzakiari aipamen egiteko erabiltzen den latinezko idendapen teknikoa da^[1]. Izendapen honen sorrera XIX. mendearen amaieran eta Nazioarteko Zuzenbidearen testuinguruan jazo zen, ius in bello dotrina politikoaren harira^[2].

Casus belli delakoak, ius in bello edo «Gerra-zuzenbidea» delakoaren zati gisa, herrialde desberdinen ekintza belikoak arautu nahi ditu, eta, beraz, a priori debekatu egiten du gatazkak konpontzeko indar armatuari jotzea, baina aukera ematen du aparatu militarra beste estatu baten aurka erabiltzeko, ultima ratio printzipioaren pean, hau da, azken baliabide gisa.

1. ↑ Bijnkershoek, Cornelis van. (2008). A treatise on the law of war : being the first book of his quaestiones juris publici. The Lawbook Exchange, Ltd ISBN 978-1-58477-566-9. PMC 173243894. (Noiz kontsultatua: 2021-12-21).
2. ↑ Russell, Frederick H.. (1975). The just war in the Middle Ages. Cambridge University Press ISBN 0-521-20690-1. PMC 1873198. (Noiz kontsultatua: 2021-12-21).