Back حكم مطلق مستنير Arabic Despotismu ilustráu AST Просветен абсолютизъм Bulgarian Despotisme il·lustrat Catalan Osvícenský absolutismus Czech Oplyst enevælde Danish Aufgeklärter Absolutismus German Πεφωτισμένη δεσποτεία Greek Enlightened absolutism English Klera despotismo Esperanto
Despotismo ilustratua edota Absolutismo ilustratua XVIII. mendean Europan nagusitu zen gobernu mota da. Beraz, doktrina politiko bat da, Argien Garaiko (Ilustrazioa) filosofoen ideietatik sortua. Monarkia absolutuen eta Antzinako Erregimenaren barnean kokatuta dago. XVIII. mendearen erdialdean agertu zen despotismoaren aldaera bat da. Gobernu mota horretan: monarkek beren borondatea ezartzen zuten parlamentuak kontuan hartu gabe; eta aldi berean, Ilustrazioaren ideia filosofikoetan oinarritutako erreformak egiten zituzten administrazioa eta ekonomia arrazionalizatzeko.
Gobernu-mota hori esaldi batean labur daiteke: Dena herriarentzat, ezer ez herriaren bidez. Estatuaren ongizatea bilatzen zuen (edo, gutxienez, monarkek ongizatetzat ulertzen zutena), hau da, herritarren iritzia kontuan hartu gabe eta boteretsuek sortutako erreformak egitea.
Sistema politiko horrek mendeko azken urteetako krisia eragin zuen, Frantziako iraultza ekarri zuena.