Druso Germaniko | |||||||
---|---|---|---|---|---|---|---|
![]() | |||||||
| |||||||
Bizitza | |||||||
Jaiotzako izen-deiturak | Decimus Claudius Drusus, Decimus Claudius Nero | ||||||
Jaiotza | Erroma, K.a. 38ko urtarrilaren 14a | ||||||
Herrialdea | ![]() | ||||||
Heriotza | Germania Magna, K.a. 9ko uda (29 urte) | ||||||
Hobiratze lekua | Augustoren Mausoleoa | ||||||
Heriotza modua | istripuzko heriotza: septizemia | ||||||
Familia | |||||||
Aita | Tiberius Claudius Nero | ||||||
Ama | Livia Drusila | ||||||
Ezkontidea(k) | Antonia Minor | ||||||
Seme-alabak | |||||||
Anai-arrebak | ikusi
| ||||||
Leinua | Julio-Klaudiar leinu Claudii Nerones (en) ![]() | ||||||
Hezkuntza | |||||||
Hizkuntzak | latina | ||||||
Jarduerak | |||||||
Jarduerak | politikaria eta militarra |
Nero Klaudio Druso Germaniko[1] (latinez: Nero Claudius Drusus Germanicus edo Decimus Claudius Drusus; Erroma, K.a. 38ko urtarrilaren 14a - Germania, K.a. 9ko uda) Livia Drusilaren eta Tiberio Klaudio Neronen seme gazteena zen. Hala ere, Druso benetako aita Augusto izanaren zurrumurruak egon ziren. Izan ere Tiberio Klaudio Neronen dibortzioaren eta Augustorekiko ezkontzaren ondoren jaio zen Druso. Dena den, dibortzio hitzarmenean Liviak Tiberio Klaudio Neronen aitatasuna onartzen zuen.
Druso Tiberio bere anaiarekin hazi eta hezi zen, eta bien arteko oso harreman estua sortu zen. Druso Marko Antonioren alabarekin, Antonia Gaztearekin, ezkondu zen. Haien seme-alabak Germaniko, Livilla, Klaudio eta haurtzaroan hil ziren beste bi ume. Druso hil ostean, Antonia ez zen berriro ezkondu, ia ia 50 urte gehiago bizi arren.
Augustok ohore franko eman zien bere semeordeei. K.a. 19an, ohi baino bost urte lehenago, Drusok edozein kargu publiko izateko ahalmena eskuratu zuen. K.a. 16an, Drusok bere anaiaren postua hartu zuen, Tiberio Italiatik kanpo baitzegoen. Hurrengo urtean, Alpeetan borrokatu zuen, hango tribuak geldiarazten. Tiberioren laguntzarekin, aise menderatu zituzten tribuak.
K.a. 13an, Galia gobernatzera joan zen, gobernari kaskar ohiak matxinada eragin zituen eta. Germaniarren eraso bati aurre egin behar izan zion. Rhin ibaian garaitu zituen inbaditzaileak, eta Germanian barnan borrokatu zuen. Ipar Itsasoraino iritsi zen eta frisiarrei urteko zerga ezarri zien. Sari moduan, pretore urbano izendapena jaso zuen K.a. 11an.
Nolanahi, berriro Germania aldera jo zuen, non garaipen asko lortu zituen. K.a. 9an, kontsul izendatu zuten, baina germaniarrak borrokatzera bueltatu zen. Kanpaina horretan, halere, zaldi batetik erorita hil zen. Ohore handiak jaso zituen, soldaduek biziki maite zuten eta. Haren garaipenengatik, familiak "Germaniko" izena erabili ahal izan zuen, eta izen horrekin haren seme zaharrenari ezagutzen zaio.