Elektroi neutrino | |
---|---|
![]() | |
Elkarreraginak | elkarrekintza nuklear ahul eta grabitazio |
Antipartikula | electron antineutrino (en) ![]() |
Aurkitua | |
Masa inbariantea | 0,28 eV/c² |
Partikula desegitea | baliorik ez (baliorik ez) |
Elektroi neutrino edo neutrino elektronikoa leptoien taldeko funtsezko partikula bat da. ½ko espina du, eta bere masa elektroiarena baino milioi bat aldiz txikiagoa da, baina ez hutsa.
Hain masa txikia duenez, beti argiaren abiaduratik hurbileko abiaduran mugitzen da, horregatik zientzialariek neutrinoak masarik ez zuela pentsatzen zuten, eta ondorioz luxoi bat zela. Beranduago neutrinoen oszilazioaren fenomenoa aurkituko zen, nagusiki, neutrinoen zapore aldaketan datzana. Oszilazioaren ondorioz, neutrinoen masa ezin da hutsa izan.
Ez du karga elektrikorik, eta soilik elkarreragin nuklear ahularen bidez elkarreragiten duenez (partikulei dagokienez grabitate elkarreragina ia hutsa bait da) partikula hau detektatzeko oso zaila da, eta gainera, oszilazioaren ondorioz, partikulen fisikako eredu estandarreko beste bi neutrino motetatik (tau neutrinoa eta muoi neutrinoa) ez dago ezberdintzerik.