Epilepsia

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Epilepsia
Deskribapena
Mota	entzefalopatia eritasuna
Espezialitatea	neurologia epileptology (en)
Arrazoia(k)	jaiotzako asfixia
Sortzen du	Postictal twilight state (en)
Asoziazio genetikoa	Zerrenda PTPRD (en) , PLA2G4A (en) , CHRM3 (en) , MAST4 (en) , PCDH19 (en) , GABRG2 (en) , SCN1A (en) eta SCN8A (en)
Tratamendua
Erabil daitezkeen botikak	acetazolamide (en) , primidone (en) , zonisamide (en) , Diazepam, fosphenytoin (en) , Karbamazepina, ezogabine (en) , clonazepam (en) , perampanel (en) , ethosuximide (en) , felbamate (en) , oxcarbazepine (en) , clobazam (en) , Gabapentina, Lamotrigina, lacosamide (en) , brivaracetam (en) , vigabatrin (en) , topiramate (en) , Fenitoina, (S)-etiracetam (en) , Fenobarbital, pregabalin (en) , brivaracetam (en) , Karbamazepina, pheneturide (en) , topiramate (en) , methsuximide (en) , mephobarbital (en) , vigabatrin (en) , ethotoin (en) , felbamate (en) eta potassium bromide (en)
Identifikatzaileak
GNS-10-MK	G40.9, G40.909 eta G40
GNS-9-MK	345.9, 345.91, 345, 345.90, 345.8 eta 345.80
DiseasesDB	4366
MedlinePlus	000694
eMedicine	000694
MeSH	D004827
Disease Ontology ID	DOID:1826

Epilepsia krisi epileptikoak edo konbultsioak nozitzeagatik nabarmentzen den gaixotasun kronikoa da.

Epilepsia (latinezko «epilepsa»tik, zeina grezierazko ἐπιληψία (interzepzio)tik datorren) garuneko eremu bateko neuronen aktibitate elektrikoaren desorekak eragindako gaixotasuna da. Garunean, konbultsio errepikariak izateko joera uzten duten asaldura neurologiko bat edo batzuk ditu ezaugarri, eta ondorio neurobiologikoak, kognitiboak eta psikologikoak eragin ohi dituzte^[1].

Konbultsioa, krisi epileptikoa edo komiziala bat-bateko eta iraupen laburreko gertaera bat da, eta jarduera neuronal anormal eta gehiegizkoa edo burmuinean sinkronikoa du ezaugarri. Krisi epileptikoak iragankorrak izaten dira, kontzientzia-maila murriztuta edo gabe eta mugimendu konbultsiboekin eta beste adierazpen kliniko batzuekin edo gabe.

Epilepsiak arrazoi asko izan ditzake. Garuneko edozein lesio eragin dezake (burezurreko traumatismoak, meningitisaren ondorioak, tumoreak, etab.), baina, kasu askotan, ez dago inolako lesiorik, krisiak pairatzeko jatorri genetikoa duen joera baizik. Kausa genetiko edo traumatiko identifikaturik ez dagoenean, epilepsia idiopatikoa esaten zaio, eta geneek zeregin bat betetzen dute gertakari bat gertatzeko arriskuaren modulazio gisa, bai eta tratamenduarekiko erantzunean ere^[2].

Epilepsia diagnostikatzeko, norberaren eta familiaren aurrekariak ezagutu behar dira, eta, normalean, elektroentzefalograma (EEG) baten bidez berresten da. Diagnosiaren parte dira, halaber, imajenologia azterketak, eta oso kasu puntualetarako gordetzen dira diagnostiko-prozedura espezializatuenak. Sendagai antikonbultsiboak ematean datza tratamendua. Kasu errefraktarioetan (hau da, tratamendu horiei erantzuten ez dietenetan, batez ere konbultsio-serieak gertatzen direnean eta, beraz, bizia arriskuan jartzen denean), beste metodo batzuk erabiltzen dira; besteak beste, kirurgia^{[erreferentzia behar]}. Epilepsiak ondorio asko eragiten ditu pazientearen eguneroko bizitzan; beraz, tratamenduak bere baitan hartu behar du ondorio horiei aurre egitea.

Epilepsiak animaliei ere eragiten die, bereziki etxekoei: katuetan zein txakurretan, gizakiarentzat deskribatu diren sintoma berberak dira.

Krisi epileptiko bat sufritzen duten pertsona guztiak ez dute zertan epilepsia diagnostikaturik eduki. Gutxienez bi krisialditik gora eduki dituztenak hartzen dira epileptikotzat.

1. ↑ International League Against Epilepsy. «Glossary of descriptive terminology for ictal semiology» (ingelesez). Archivado desde el original el 18 de febrero de 2009. Consultado el 23 de julio de 2009.
   « a) Epileptic Disorder: A chronic neurological condition characterised by recurrent epileptic seizures.
   b) Epilepsies: Those conditions involving chronic recurrent epileptic seizures that can be considered epileptic disorders.»
2. ↑ Epilepsia, la “enfermedad sagrada”, diario Página|12. Consultado el 2 de febrero de 2011.