Ernesto Augusto (Londres, 1771ko ekainaren 5a - Hannover, 1851ko azaroaren 18a) Hannoverko erregea izan zen 1837tik hil zen arte.
Jurgi III.a Erresuma Batukoaren bosgarren semea izan zen. Bere aita ere Hannoverreko erregea zelarik. Jurgi IV.a Erresuma Batukoaren eta Gilen IV.a Erresuma Batukoaren anaia izan zen. Bere lau anaia zaharrenak semerik izan gabe hil ziren.
Gilen IV.a hiltzean, bere iloba Viktoria bere oinordekoa izan zen britainiar tronuan, eta bere anaia Ernesto Augusto Hannoverreko tronuan, Hannoverren lege salikoa indarrean baitzegoen.
Hannoverrera bidali zuten bere heziketarako eta Napoleondar gerretan parte hartu zuen. Frederika Mecklenburg-Strelitzkoarekin ezkondu zen. 1799an Cumberlandeko dukea eta Teviotdaleko dukea izendatu zuten. Lorden Ganberako kide izan zen, eta jarrera oso kontserbadoreak izan zituen beti.
1837an Hannoverreko errege bihurtu zen. 1848ko Iraultza zanpatu zuen. Aurka egon arren, Hannover 1859an sartu zen Zollvereinen.
1851n hil zen, eta bere oinordekoa, bere seme Jurgi V.a Hannoverkoa izan zen.