Errusiako Gerra Zibila

Errusiako Gerra Zibila
Data	1917ko azaroa - 1922ko urria
Lekua	Errusiar Inperio ohia, Mongolia, Tuva, Pertsia
Emaitza	Armada gorriaren garaipena Errusia, Ukraina, Bielorrusia, Hegoaldeko Kaukaso, Erdialdeko Asia, Tuva eta Mongolian; Independentziaren aldeko mugimenduen garaipena Finlandia, Estonia, Letonia, Lituania eta Polonian;
Gudulariak
Errusiako SESF eta beste Sobietar Errepublikak	Mugimendu Zuria
Buruzagiak
Vladimir Lenin; Leon Trotsky; Mikhail Tukhatxevski; Mikhail Frunze	Alexander Koltxak; Lavr Kornilov; Anton Denikin; Pyotr Wrangel; Nikolai Iudenitx
Indarra
3.000.000	2.400.000 gehi 255.000 aliatu
Galerak
1.212.824 biktima	1.500.000 gutxienez

Errusiako Gerra Zibila (errusieraz: Гражданская война́ в Росси́и, Grazhdanskaya voyna v Rossiy) alderdi anitzeko gerra izan zen, Errusiar Inperio ohian gertatutakoa, 1917ko azarotik 1922ko urrira arte. Bertan boltxebikeen Armada Gorria eta boltxebikeen aurkako Armada Zuria borrokatu ziren, aurrez aurre. Atzerritar indar batzuek (Amerikako Estatu Batuak, Japonia, Frantzia, Britainiar Inperioa) Armada Zuria sustengatu zuten^[1].

1919an Armada Gorria Ukraina eta Siberian nagusitu zen. Zuriek, Pyotr Wrangel buru zutela, Krimean gotortu eta 1920ko udazkenera arte eutsi zuten. Errusiar Inperioa desegitean sortutako independentziaren aldeko mugimenduek ere parte hartu zuten gerran. Batzuek -Finlandia, Estonia, Letonia, Lituania eta Poloniak- burujabetasuna erdietsi zuten. Gainerako lurraldeek 1922an Sobietar Batasuna eratu zuten.