| Eusebio Irujo Ollo | |
|---|---|
.jpg) | |
| Bizitza | |
| Jaiotza | Lizarra, 1893ko abenduaren 7a |
| Herrialdea |  Nafarroa Garaia, Euskal Herria |
| Heriotza | Lizarra, 1968ko azaroaren 11 (74 urte) |
| Familia | |
| Seme-alabak | ikusi
|
| Anai-arrebak | |
| Jarduerak | |
| Jarduerak | farmazialaria eta politikaria |
Eusebio Irujo Ollo (Lizarra 1893-Lizarra 1968 ) EAJkp politikari garrantzitsu bat izan zen.
Aniana Ollo Elordi eta Daniel Irujo Urraren semea izan zen, Lizarrako San Juan elizan bataiatu zuten Eusebio 1893ko abenduaren 7an. Hamar anai-arrebetatik bigarrena zen. Urte berean, aitak aktiboki parte hartu zuen Estanislao Aranzadi Izkuerekin eta Sabino Aranarekin batera Gamazadaren antolaketan, Nafarroak beren eskubide historikoen defentsan herria mobilizatu zuen matxinadan.
Batxilergoko ikasketak Tuterako jesulagunen neguko barnetegian amaitu zituen. Gero farmazian lizentziatu zen bere aitonaren Eusebio Olloren eta azken honen aitaren, Francisco Javier Ollo Errazkinen ibilbidea jarraituz. Ikasketak amaitu zituenean, Garesen jarri zuen botika eta gero Eusebio Ollok Lizarran utzitako farmazia oinordetzan hartu zuen, alegia, Francisco Javier Ollok 1850eko abuztuaren 3an Lizarrako Inmaculada pasealekuan sortutako botika.
1920ko gripea pairatu zuen eta bizitzan zehar jasan zuen biriketako lesioa utzi zion, espetxean egon zen bi urte eta erdian areagotu zena.
Pilar Elizalde Esandirekin ezkondu zen eta lau seme-alaba izan zituzten: Agurne, Maite, Marilo eta Pello. Bere anai-arrebekin batera, Lizarrako Merkatondoa futbol zelaiaren erosketan parte hartu zuen, eta hiriko Izarra futbol taldeko kide izan zen.