Fermin Izurdiaga Lorca (gaztelaniaz: Fermin Yzurdiaga) (Iruñea, 1903ko urriaren 25a-ibidem,1981eko abenduaren 10a) eskuin muturreko apaiza izan zen. Ideologikoki falangista, "Apaiza urdina" izengoitiarekin ezagutu zitzaion,[1] Espainiako Gerra Zibilean FET y de las JONS erakundearen Prentsa eta Propagandaren delegatua izan zen. Frankisten publikazio batzuk ere zuzendu zituen, besteak beste, Arriba España eta Jerarquía aldizkaria. Bere jarduera politikoak eta faxismoaren aldeko jarrerek Espainiako Elizaren hierarkia batzuekin gatazkak izatera eraman zuten.[2][3] Frankistek Uztarri eta Gezien Ordena Inperialarekin saritu zuten. Adolf Hitlerren jarraitzaile sutsua zen.[4] Frankismoan goi karguak bete zituen.[5]
« | "Judaismoa, masoneria, marxismoa eta separatismoa jazarri behar dituzu. Haien egunkariak, haien liburuak, haien aldizkariak, haien propagandak suntsitu eta erre egin behar dituzu . Jainkoa eta Aberriarengatik! "[6] | » |