Frantziako Erlijio Gerrak

Frantziako historia
Historiaurrea eta Antzin Aroa
Frantziako historiaurrea La Tene kultura Galietako gerrak Galia
Erdi Aroa
Frankoak Merovingiarrak Karolingiarrak Kapetar leinua Ehun Urteko Gerra Valois leinua
Aroa Modernoa
Valois leinua Erlijio Gerrak Borboi leinua Hogeita Hamar Urteko Gerra Fronda
Aroa Garaikidea
Frantziako Iraultza Gerra Napoleondarrak Borboien Berrezarpena Uztaileko Iraultza Uztaileko Monarkia 1848ko Iraultza Bigarren Errepublika Kolonialismoa Bigarren Inperioa Parisko Komuna Hirugarren Errepublika Lehen Mundu Gerra Années folles Bigarren Mundu Gerra Vichyko Gobernua Laugarren Errepublika Bosgarren Errepublika
Zerrendak
Frantziako errege-erreginen zerrenda

Frantziako Erlijio Gerrak Frantziako erresuman XVI. mendeko bigarren zatian izandako borroka zibilak izan ziren. Nahiz eta 1562 eta 1598 artean zortzi gerra izan, denbora tarte hartan, alde biek etengabe borrokatu ziren elkarren kontra^[1].

Erlijio Gerren eztanda-eragile nagusiak katoliko eta higanoten -protestante kalbindarrak- arteko tirabira erlijiosoak izan baziren ere, alde biak, hurrenez hurren, zuzentzen zituzten Guisetar eta Borboitarren arteko borrokak gorrotoa areagotu zuen^[2].

Gainera, Frantziako guda zibilak eragina izan zuen nazioartean. Protestantismoaren ikurra zen Elisabet I.aren Ingalaterrak eta katolizismoaren ikurra zen Filipe II.aren Espainiak nork bere alderdia babestu zuten. Garai hartan martxan zeuden beste borrokek ere eragina izan zuten gerretan, hala nola Probintzia Batuen espainiar boterearen aurkako matxinada eta Filipe II.aren osaba Fernando I.a Habsburgokoak zuzendutako Germaniako Erromatar Inperio Santuan protestanteen aurrerapausoak^[3].

Valois-Angulema leinuaren amaierak eta Henrike IV.a Borboikoa katolizismora aldatzeak liskarrak bukarazi zituzten. Horretarako 1598an Henrikek Nantesko Ediktua, protestanteekiko tolerantzia bermatzen zuena, sinatu zuen^[4]. Hala ere, koroa eta higanoten arteko liskarrak aldian-aldian piztu ziren. 1685ean Henrike III.aren iloba Luis XIV.ak Fontainebleauko Ediktua ezarri eta katolizismoa ez beste erlijioen jardutea debekatu zuen. Ediktu honen ondorioz 200.000 higanot erbesteratu ziren.

1. ↑ Baird, Henry Martyn. (1889). History of the Rise of the Huguenots of France. New edition.
2. ↑ Constant, Jean-Marie. (2002). Les Français pendant les guerres de Religion. Hachette Littératures ISBN 2-01-235311-8..
3. ↑ Thompson, J. W.. (1909). The Wars of Religion in France, 1559-1576. .
4. ↑ Crouzet, Denis. (2005). Les Guerriers de Dieu. La violence au temps des troubles de religion (v. 1525–v. 1610). in: Époques. Champ Vallon ISBN 2-87673-430-3..