Goi-kultura ingurune akademikoetan modu desberdinetan erabiltzen den kontzeptua da, eta produktu artistiko eta kultural jakin batzuk baloratzea du erabilera ohikoena (bereziki, artelanak, literatura-lanak eta musika-lanak), estimazio handienekotzat jotzeko.[1] Eliteen kultura sofistikatua (aristokrazia edo intelligentsia) ere izendatzen du masa-kulturarekiko oposizioz (bai masa-kulturarekiko, bai herri-kulturarekiko), edo kitsch, filistiar, barbaro, landatar edo primitibo (kultura primitiboak) bezalako kontzeptuekiko aurkakotasunagatik; horiek guztiak behe-kultura dei daitekeenarekin identifika daitezkeen terminoak dira.[2]