Graduazio militar

Gradu edo graduazio militarra indar armatuetan, polizia-indarretan eta beste erakunde armatu edo uniformatu batzuetan erabiltzen den aginte-eskala ezartzeko sistema hierarkikoa da.

Lanpostu militarrak eskalafoietan banatzen dira, herrialdeen eta historiaren arabera: tropa, ofizialordeak eta ofizialak.

Gradu militarrak bisualki irudikatzen dira uniformean dauden dibisen/intsignien eta galoien bidez, normalean sorbaldetan, mahuketan edo bularrean jositako oihalezko piezen bidez.

Indar armatuetan graduen erabilera ia unibertsala da. Txinako Herri Errepublikaren Askapenerako Herri Armada (1965-1988),^[1] Albaniako Armada (1966-1991) eta Sobietar Batasun ohiaren Armada Gorria (1918-1992)^[2] bezalako erakundeak bere garaian graduen sistema deuseztatu zuten indar armatuen adibideak dira, nahiz eta geroago, aginte eta kontrol arazoak izan ondoren, berriro ezartzera behartuta egon ziren.

1. ↑ China's Upcoming Leadership Changes and the PLA (Ingelesez)
2. ↑ Rosignoli, Guido (1984). "World Army Badges and Insignia Since 1939". Dorset: Blandford Press.