Helburuen araberako kudeaketa erakunde batean aurrez eta modu esplizituan ezarritako helburuetan bereziki oinarritzen den kudeaketa da, kudeaketaren eta erakundeko arduradun eta langileen emaitzak helburu horien lorpenaz neurtzen dituena. Peter Drucker kudeaketa-adituak 1950eko hamarkadan plazaratu zuen kudeaketa-ikuspuntua da. Helburuen araberako kudeaketaren arrakastarako funtsezkotzat jotzen da erakundeko eragile guztiek helburuak zehaztasunez ezagutzea. Aldi berean, langileen parte-hartzeaz eta autogestioaz jardun nahiz berrikuntza eta sormenean oinarrituriko erakundeetarako gomendatzen da bereziki.