Henry John Temple, Palmerstongo III. bizkondea, (Broadlands, Hampshire, Ingalaterra, 1784ko urriaren 20a - Brocket Hall, Hertfordshire, Ingalaterra, 1865eko urriaren 18a) politikaria izan zen. Bi bider izan zen Erresuma Batuko Kanpo Arazoetako ministroa (1830-34; 1835-41), eta kargu horretatik konstituzio liberalaren alde egin zuen, bai Britainia Handian, bai atzerrian. Lehen ministroa ere izan zen (1855-58; 1859-65); Krimeako gerra indarrez jarraitu zuen, Italiaren batasuna bultzatu zuen, eta Indiako matxinada deuseztatu zuen. Palmerstonen diplomaziak, gogorra izanik ere, Britainia Handiaren izen ona areagotu zuen.