Oro har, deskribapen bibliografikoa liburu, disko, mapa eta bestelako dokumentu bibliografikoen ageriko datuak (egilea, izenburua, urtea, ...) era normalizatu batean zehaztu egiten dituen teknika da, dokumentu bakoitza era berezi batez deskribatuz, gerora dokumentua identifikatu, kokatu eta liburutegiko katalogo batean sartu ahal izateko. Liburutegi eta artxiboetan dokumentu bakoitzarekin burutu beharreko oinarrizko eragiketa da, katalogoa osatzeko prozesuaren barnean. Egun, deskribapen bibliografikoa nola egin zehazten duen arau estandarra ISBD edo International Standard Bibliographic Description da. ISBD mota ezberdin daude, dokumentu-mota zein den, hala nola, ISBD(M) monografientzat, ISBD(S) aldizkako argitalpenentzat, ISBD(CM) mapentzat, eta abar.
ISBD deskribapenak barne hartzen dituen eremuak hauek dira:
2000. urtean ISBD arauen berrikuspen sakon bat hasi zen eta ISBD mota batzuen izenak aldatu ziren. Aldizkako argitalpenentzat zegoen ISBD(S) arautegia errebisatu eta publikatu zen, eta aurreko ISBD(S) izenburua aldatu eta ISBD(CR) izenarekin, (CR, Serials and Other Continuing Resources esapidearen akronimoa da)[1][2].