Kalkaneo

Kalkaneo
Kalkaneoa (A letrarekin, berdekara ilunez) Irudi gehiago
Ezkerreko kalkaneo.
Xehetasunak
Honen parte	oina Tartsoa
Konponenteak	calcaneal tuberosity (en) calcaneal tubercle (en) sustentaculum tali (en) calcaneal sulcus (en) tarsal sinus (en) anterior talar articular surface (en) middle talar articular surface (en) posterior talar articular surface (en) groove for tendon of fibularis longus muscle of calcaneus (en) fibular trochlea (en) articular surface for cuboid (en) anterior process of calcaneus (en)
Artikulazioa	Tortolosa Kuboidea calcaneofibular ligament (en) lateral talocalcaneal ligament (en) posterior talocalcaneal ligament (en) dorsal calcaneocuboid ligament (en) superior fibular retinaculum (en) inferior extensor retinaculum of foot (en) plantar fascia (en) subtendinous calcaneal bursa (en)
Identifikadoreak
Latinez	Os calcaneum, os calcis
MeSH	A02.835.232.043.300.710.300
TA	A02.5.11.001
FMA	24496
Terminologia anatomikoa

Kalkaneoa (latinetik Os calcis) edo orpo hezurra oineko hezur bat da tartsoen taldekoa, laburra, asimetrikoa kubo ez erregular formakoa eta sei aurpegi ditu: goikoa, behekoa, atzekoa, aurrekoa eta alboetakoak. Horietatik bi, gutxi gora-behera, artikularrak dira. Hezur honek, oineko orpoa eratzen du.

Tartsoen lehen ilarako behealdean dago. Goialdetik astragalo izena duen eta, euskaraz, tortolos bezala ezagunagoa den hezurrarekin artikulatzen da. Aurrealdetik, berriz, kuboide hezurrarekin artikulatzen da. Ibiltzerakoan, oinaren lehen euste puntua da, odolak gutxien irrigatzen duen tokietako batean dagoelarik. Oin zolako kuxinak babesten du, gantz ehunezkoa, funtzio arintzailea duena. Bere atzealdeko aurpegian, gorputzeko zurdarik indartsuenaren ezarpena hartzen du: Akilesen zurda, alegia, eta bere oin zolako aurpegitik, faszia edo oin zolako aponeurosia sorrarazten du, gaixotasun batzuetan zerikusi handia duena, oin zolako faszitisa edo kalkaneoko ezproia kasu.

Kalkaneoak astragaloarekiko duen posizioa (artikulazio azpiastragalotarra) eta lurrarekiko duenak, atzeoin posizio baroa, balgoa edo neutroa zehazten dute. Atzeoin baroak eta, batik-bat, balgoak, lokomozio aparatuaren gaixotasun ezberdinen arduradunak dira, eta, hori dela eta, ohiko ibileraren arazoak agertzen dira, ondorio kliniko garrantzitsuekin: gainkargak, mina, lautza, gihar nekea, juanikoteak...) oinari zein hanka osoari dagokionez. Guzti honetatik, zera dator: bere kokapena oso garrantzitsua dela ibiltze on baterako eta baita oinaren gainontzeko talde artikularraren osasunerako ere.