Liu Xiang | |||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||||||||||||||||||||
Hautetsia: 12th National Committee of the Chinese People's Political Consultative Conference (en) ![]() ![]() | |||||||||||||||||||||||||||||||||||||||
Bizitza | |||||||||||||||||||||||||||||||||||||||
Jaiotza | Putuo Barrutia, 1983ko uztailaren 13a (41 urte) | ||||||||||||||||||||||||||||||||||||||
Herrialdea | ![]() | ||||||||||||||||||||||||||||||||||||||
Familia | |||||||||||||||||||||||||||||||||||||||
Ezkontidea(k) | Ge Tian (en) ![]() | ||||||||||||||||||||||||||||||||||||||
Hezkuntza | |||||||||||||||||||||||||||||||||||||||
Heziketa | East China Normal University (en) ![]() | ||||||||||||||||||||||||||||||||||||||
Jarduerak | |||||||||||||||||||||||||||||||||||||||
Jarduerak | hesilaria eta atleta | ||||||||||||||||||||||||||||||||||||||
| |||||||||||||||||||||||||||||||||||||||
Pisua | 87 kilogramo | ||||||||||||||||||||||||||||||||||||||
Altuera | 189 zentimetro | ||||||||||||||||||||||||||||||||||||||
Sinesmenak eta ideologia | |||||||||||||||||||||||||||||||||||||||
Alderdi politikoa | ![]() | ||||||||||||||||||||||||||||||||||||||
![]() ![]() ![]() |
Liu Xiang (txinera tradizionalez: 劉翔; txinera sinplifikatuz: 刘翔; pinyinez: Liú Xiáng; Shanghai, Txina, 1983ko uztailaren 13a) atleta txinatar ohia da, 110 metro hesietan espezializatu zen eta atletismo txinatarraren figura nagusia izan da urte askotan zehar. Distantzia horretan bere markarik onena 2006an lortutako 12,88 s da, egungo Asiako errekorra da eta munduko errekorra izan zen 2008ko ekainera arte. 2004ko Atenasko Olinpiar Jokoetan olinpiar txapelduna izan zen.
Txinako Ekialdeko Normal Unibertsitateko ikaslea izan zen, 2001ean urrea irabazi zuen Beijingeko Unibertsitateetako atleten txapelketan, eta baita Osakan (Japonia) ospatutako Ekialdeko Asiako Jokoetan.
2002an munduko elitean sartu zen, 18 urte besterik ez zituela Lausannako (Suitza) atletismo txapelketa garrantzitsua irabazi zuen 13.12 denborarekin, Asiako errekor berria eta urteko munduko laugarren markarik onena zen. Urte horretan Asiako txapeldun ere izendatu zen Manilan (Filipinak), eta urrea irabazi zuen Busan (Hego Korea) Asiako Jokoetan.
2003an brontzezko domina irabazi zuen 60 metro hesietan Birminghameko Indoor Munduko Atletismo Txapelketan, eta udan brontzea Parisko Aire libreko Munduko Atletismo Txapelketan, 13,23 segundurekin, Allen Johnson (urrea) eta Terrence Trammell (zilarra) estatubatuarren ondoren.
2004ko urte hasieran zilarra irabazi zuen 60 metro hesietan, Budapesteko (Hungaria) pista estalitako munduko txapelketan. Baina urte hartan bere momentu onena Atenasko Olinpiar Jokoetan iritsi zen, mundu guztia harrituta utzi zuen urrezko domina irabazita eta Colin Jackson britainiarrak 1993az geroztik zuen munduko errekorra berdinduta 12,91 markarekin. Bigarren Terrence Trammell iparramerikarra izan zen (13.18), eta hirugarren Sydney 2000ko txapelduna, Anier Garcia kubatarra (13.20).
Emaitza hauek atletismoaren ikurretako bat izatera eman zuen, Asiako jatorria edukitzeak ere deigarriagoa egin zuen, izan ere, normalean pista probetan ez zegoelako nabarmentzen zen asiarrik, gizonezkoen kategorian behintzat.
2005ean urte ona izan zuen, nahiz eta ezin izan zuen 13 segundutik jaitsi. Urteko bere marka onena Lausanan egin zuen 13,05 marka lortuz, urteko munduko bosgarren marka onena izan zen. Helsinkiko Munduko Txapelketara sasoi betean iritsi zen eta urrea irabazteko zorian egon zen, ehunen bakar batengatik galdu zuen Ladji Doucouré frantziarraren aurka (13.07 eta 13.08). Xiang-ek zilarrezko domina lortu zuen Allen Johnson-en aurretik, brontzea lortuz 13.10rekin.
2006ko uztailaren 11an, 110 metroko munduko errekorra hautsi zuen Lausanako Super Grand Prix-ean 12,88 segunduko marka lortuz.
Pekingo Olinpiar Jokoetan ezin izan zuen parte hartu, kanporaketak hasi baino lehenago, lesio bat izan zuen eta ez parte hartzea erabaki zuen. 2015eko apirilaren 7an, 31 urte zituela, atletismo profesionaletik erretiratu zela iragarri zuen, oinetako lesio berri batengatik.[1]