Lloyd Alexander

Lloyd Alexander
Bizitza
Jaiotzako izen-deiturak	Lloyd Chudley Alexander
Jaiotza	Filadelfia, 1924ko urtarrilaren 30a
Herrialdea	Ameriketako Estatu Batuak
Lehen hizkuntza	ingelesa
Heriotza	Drexel Hill (en) , 2007ko maiatzaren 17a (83 urte)
Heriotza modua	berezko heriotza: minbizia
Hezkuntza
Heziketa	Parisko Unibertsitatea Upper Darby High School (en)
Hizkuntzak	ingelesa
Jarduerak
Jarduerak	idazlea, eleberrigilea eta haur literaturaren idazlea
Lan nabarmenak	ikusi The Chronicles of Prydain (en) Westmark (en)
Jasotako sariak	ikusi Zilveren Griffel  (1981) Newbery Medal  (1969) : The High King (en) Regina Medal  (1986) National Book Award  (1971) National Book Award  (1982)
Genero artistikoa	fantasia
Zerbitzu militarra
Adar militarra	Ameriketako Estatu Batuetako Armada
Parte hartutako gatazkak	Bigarren Mundu Gerra

Lloyd Alexander (Filadelfia, Pennsylvania, 1924ko urtarrilaren 30a - Drexel Hill, Pennsylvania, 2007ko maiatzaren 17a) estatubatuar idazlea izan zen. Ospe handia irabazi zuen fantasia-generoan.

Frantziako Sorbonan ikasi zuen. And Let the Credit Go (1955) liburuak ekarri zion fama. Gero, haurrentzat hasi zen idazten, eta Time Cat: The Remarkable Journeys of Jason and Gareth argitaratu zuen. 1964an, The Book of Three (Hiruko Liburua) obraz, bost liburuko sailari ekin zion, non Taran zerrizaina Prydain erresumako buru bihurtzen baita. Sail horretako beste liburuak: The Black Cauldron (1965, Pertz Beltza), The High King (1968, Goiko Erregea), The Castle of Llyr (1966, Llyrreko Gaztelua) eta Taran Wanderer (1967, Taran Ibiltaria). Disneyren The Black Cauldron (1985, Pertz Beltza) film ezaguna obra horietan oinarritu zen. Alexanderrena da Westmark trilogia ere: Westmark (1981, Westmark), The Kestrel (1982, Belatz Gorria) eta The Beggar Queen (1984, Erregina Eskalea), demokrazia, askatasuna, ustelkeria eta antzeko gaiak lantzen dituztenak. Harenak dira, orobat, The Marvelous Misadventures of Sebastian (1970, Sebastianen Zorigaitz Zoragarriak), The First Two Lives of Lukas-Kasha (1978, Lukas-Kasharen Lehen Bi Bizitzak), The Illyrian Adventure (1986, Iliriako Abentura), The Drackenberg Adventure (1988, Drackenbergeko Abentura) eta Fortune Tellers (1992, Asmaginak). Alexanderrek sari asko jaso du: Liburuaren Nazio Saria (1971), Liburuaren Amerikar saria (1982), Austriako Haur Liburuen Saria (1984), Regina domina (1986) eta Bostongo Globe-Horn saria (1993).