Back مؤتمر الأمم المتحدة للتجارة والتنمية Arabic BMT‐nin Ticarət və İnkişaf üzrə Konfransı Azerbaijani Канфэрэнцыя ААН па гандлі і разьвіцьці BE-X-OLD Конференция на ООН за търговия и развитие Bulgarian জাতিসংঘ বাণিজ্য ও উন্নয়ন সম্মেলন Bengali/Bangla Konferencija Ujedinjenih nacija o trgovini i razvoju BS Conferència de les Nacions Unides sobre Comerç i Desenvolupament Catalan Konference OSN o obchodu a rozvoji Czech FN's konference for handel og udvikling Danish Konferenz der Vereinten Nationen für Handel und Entwicklung German
| Merkataritza eta Garapenari buruzko Nazio Batuen Konferentzia | |
|---|---|
 | |
| Datuak | |
| Izen laburra | UNCTAD eta CNUCED |
| Mota | Nazio Batuek ezarritako erakundea |
| Jarduera | |
| Honen parte | Nazio Batuen sistema |
| Agintea | |
| Idazkari orokorra | Rebeca Grynspan (en)  |
| Egoitza nagusi | |
| Jabea | Nazio Batuen Batzar Nagusia |
| Historia | |
| Sorrera | 1964 |
webgune ofiziala      | |
Merkataritza eta Garapenari buruzko Nazio Batuen Konferentzia[1] (ingelesez: United Nations Conference on Trade and Development edo UNCTAD) Nazio Batuen Erakundearen gobernuarteko organo iraunkor bat da, 1964an sortua. Nazio Batuen Batzar Nagusiaren merkataritzari, inbertsioei eta garapenari buruzko organo nagusia da.
Erakundearen helburua da garapen bidean dauden herrialdeen merkataritzarako, inbertsiorako eta garapenerako aukerak maximizatzea eta herrialdeoi laguntzea munduko ekonomian sartzeko egiten ari diren ahaleginean.
Nazio Batuen Erakundearen ekimenez sortu zen, garapen bideko herrialdeei laguntzearren esportazioen prezioak egonkortzen eta herrialde industrializatuetara sartzeko hesiak ezabatzen. Haren xedea ez da negoziazioen gunea izatea, baizik eta proposamenak egitea eta beste erakunde batzuetara bideratzea, hala nola GATTera eta Nazioarteko Diru Funtsara.
Gaur egun, 194 estatu kide ditu, eta Genevan du egoitza nagusia, Suitzan. 400 langile ditu, eta 138 milioi dolarreko bi urteko aurrekontua (2010-2011).
Lan-arlo hauetan dihardu:
- Globalizazioa aztertzea eta globalizazioak garapen-estrategietan duen eragina aztertzea.
- Ondasun, zerbitzu eta oinarrizko produktuen nazioarteko merkataritza sustatzea, eta garapen bidean dauden herrialdeei laguntzea globalizazioaren eta integrazio ekonomikoaren aldeko eraginak baliatzen.
- Garapen bidean dauden herrialdeetara bideratutako inbertsioa eta teknologia-transferentzia sustatzea.
- Laguntza ematea merkataritzaren garapen eta eraginkortasunerako zerbitzu-azpiegiturak sortzeko.
- Arreta berezia eskaintzea aurrerapen-maila txikieneko herrialdeei, kostarik ez dutenei eta uharte direnei.
- ↑ Euskalterm: [Hiztegi terminologikoa] [2002]