Michael Gambon

Michael Gambon
Irudi gehiago
Bizitza
Jaiotza	Dublin, 1940ko urriaren 19a
Herrialdea	Irlandako Errepublika  Erresuma Batua
Heriotza	Witham, 2023ko irailaren 27a (82 urte)
Heriotza modua	berezko heriotza: pneumonia
Familia
Ezkontidea(k)	Anne Miller (en)  (1962 -  2002)
Hezkuntza
Heziketa	Royal Academy of Dramatic Art St Aloysius RC College (en)
Hizkuntzak	ingelesa
Jarduerak
Jarduerak	ahots-aktorea, antzerki aktorea, zinema aktorea, telebista-aktorea eta aktorea
Lan nabarmenak	ikusi Harry Potter (en) The Singing Detective (en) Maigret (en)
Jasotako sariak	ikusi Laurence Olivier Award  (1986) : A Chorus of Disapproval Britainiar Inperioko Ordenaren komendadorea  (1990) Knight Bachelor  (1998) Evening Standard Theatre Awards  (1987) : A View from the Bridge (en) British Independent Film Award – The Richard Harris Award  (2012) Laurence Olivier Award  (1987) : A View from the Bridge (en) Laurence Olivier Award  (1990) : Man of the Moment Evening Standard Theatre Awards  (1995) : Volpone (en) Evening Standard Theatre Awards  (2010) Irish Film & Television Awards  (2017) Sitges Film Festival Best Actor award  (1989) : The Cook, the Thief, His Wife and Her Lover (en)
Genero artistikoa	Shakespearean comedy (en)

Michael Gambon (Dublin, 1940ko urriaren 19a - Witham, Essex, 2023ko irailaren 27a) jaiotzez irlandarra den ingeles aktore bat izan zen. Londresen egin zituen ikasketak, eta ingeniari gisa hasi zen ondoren lanean. Antzerkian 1962. urtean hasi zen, eta Otelo obrako bigarren zaldunaren paperean egin zuen debuta. Ondoren National Theatre konpainian sartu zen, eta hango antzezle izan zen 1963tik 1966ra. Harrezkero protagonista paperak egin zituen zenbait konpainia txikitan, Otelo, Macbeth eta Coriolano obretan. 1970-1971 denboraldian Royal Shakespeare Companyn jardun zuen, bigarren mailako paperak antzezten, eta ondoren protagonista izan zen berriro Lear Errege, Antonio eta Kleopatra eta abarretan. Patetismo ilun baina aldi berean komikoa erakutsi zuen eta horrek bere belaunaldiko zenbait idazle erakarri zituen. Horrela, aipagarriak ditu Alan Ayckbournen Normandiako konkista (1974) obran egindako lana eta Beteranoaren eguna (1989) obran Jack Lemmonekin egindakoa. Dena dela, National Theatren egindako estreinaldiek eman zioten ospe gehien Gamboni: Harold Pinterren Traizioa (1978), Simon Grayren Obra amaiera (1979) eta Ayckbournen Gaitzespena (1985), zeinarekin irabazi baitzuen Olivier saria. Britainia Handiko antzerki-sari nagusiak irabazi zituen 1987. urtean, Eddie Carboneren papera antzeztuz Arthur Millerren Zubiko ikuspegia lanean. 1995ean berriro agertu zen National Theatren, David Hareren Sabailehioa (1995) obrarekin. Telebistan ere lan egin du, arrakasta handiz, Dennis Potteren Detektibearen kanta (1985) laneko interpretazioari esker, batez ere.