Oder[1] (txekieraz, eslovakieraz eta polonieraz: Odra, alemanez: Oder, hungarieraz: Odera) erdialdeko Europako ibaia da.
Txekiako Errepublikan du iturburua, Sudete mendien ekialdean. Ondoren Poloniako mendebaldea zeharkatzen du eta azken 187 kilometroek Polonia eta Alemaniaren arteko muga markatzen dute. Itsaso Baltikoarekin loturik dagoen Szczecingo aintzirara isurtzen da. Mendebaldeko Neisse eta Warta dira Oder ibaiaren adar garrantzizkoenak.