Ondo gidatutako kalifak

Ondo gidatutako kalifak (arabieraz الخلفاء الراشدون, al-julafā' ar-rāshidūn) sunitar musulmandar tradizioan, Mahoma 632an hil ondoren egon ziren lau lehen kalifei emandako izena da. Zenbait europar hizkuntzetan, kalifa ortodoxo bezala ere ezagutzen dira. Urdu hizkuntzako sunitek, batzuetan, lau lagunak deitzen dituzte (چار یار, chaar yaar).

Laurak, profetaren oso hurbileko lagunak ziren, eta Ummak aho batez aukeratuak izan ziren, ondoren etorri ziren omeiar eta abasidarrak ez bezala.

• Abu Bakr
• Umar ibn al-Jattab
• Uthman ibn Affan
• Ali ibn Abi Talib

Batzuk Hasan ibn Ali bosgarren rāshid kalifa bezala jartzen dute.

Xiien arabera, lehen kalifa Ali izan zen, xiitar imanek jarraitua, argudiatzen dutenez, oinordekotza hau Mahomak berak erabaki baitzuen.

Abadientzako bi ondo gidatutako kalifa baino ez ziren egon, euren iritziz, Uthman eta Aliren kalifaldien zatiak baino ez baitziren ondo gidatuak izan.