Euskadiko Alderdi Sozialista - Euskadiko Ezkerra PSE-EE (PSOE) | |
---|---|
![]() | |
Bozeramailea | José Antonio Pastor |
Idazkari nagusia | Idoia Mendia |
Sorrera | 1977 |
Egoitza nagusia | Bilbo |
Ideologia politikoa | Sozialdemokrazia Aurrerakoitasuna |
Nazioarteko kidetza | Europako Alderdi Sozialista Sozialista Internazionala |
Eserlekuak erakundeetan | Eusko Legebiltzarrean 10 / 75 Euskadiko Batzar Nagusietan 21 / 153 Diputatuen Kongresuan 5 / 18 Senatuan 5 / 15 |
www.socialistasvascos.com |
Euskadiko Alderdi Sozialista - Euskadiko Ezkerra (ofizialki, gaztelaniaz: Partido Socialista de Euskadi - Euskadiko Ezkerra), PSE-EE (PSOE), Euskal Autonomia Erkidegoko alderdi politiko sozialdemokrata bat da, 1979an sortua. 1993az geroztik, Espainiako Langileen Alderdi Sozialistak (PSOE) Euskal Autonomia Erkidegoan duen ordezkari politikoa da. 1993. urtean Euskadiko Ezkerra alderdi abertzalea PSEn sartu zen. 2014. urtetik, Idoia Mendia da idazkari nagusia.
Alderdiak bere izenean Euskadi hitza darama, nahiz eta euskal nazionalismoak sortua izan eta 1936ko Gerra Zibileraino alderdiaren printzipioen aurkakoa izan. Hala ere, alderdiko militante zen Santiago Aznarrek lehenengo Eusko Jaurlaritzaren ikur gisa ikurrina proposatu zuen.
Euskadiko meatzaritza eta industria eremuetan batik bat du PSEk indarra; Bizkaiko ezkerraldean, adibidez.
Euskadiko Alderdi Sozialista - Euskadiko Ezkerraren gaztediak Euskadiko Ezkerraren Gazteak erakundean biltzen dira.