Paris-Roubaix

Paris-Roubaix
Orokortasunak
Kirola	Errepideko txirrindularitza
Sorrera	1896
Ekitaldi kopurua	121 (urtea: 2024)
Aldizkotasuna	urterokoa (Api)
Mota	Egun bateko lasterketa
translation for raceinfobox_translate index 33 not found	Frantzia
Antolatzailea	A.S.O.
Webgune ofiziala	Webgune ofiziala
Mailak	CDC (1948-1958) SPP (1961-1987) CDM (1988-2004) 1.PT (2005-2007) 1.HIS (2008) 1.HIS (2009-2010) 1.UWT (2011-)
Zirkuitua	UCI World Tour
Palmaresa
Azken garailea	Mathieu van der Poel
Garaipen gehien lortu duena	Roger De Vlaeminck Tom Boonen (4 garaipen)
Egungo ekitaldia
azken ekitaldia ikusteko: 2024ko Paris-Roubaix
	Dokumentazioa

París-Roubaix, egun bakarreko txirrindulari lasterketa klasiko profesional bat da, Frantziako iparraldean, Belgikako mugatik hurbil, jokatzen dena. 1896tik 1967 arte Parisen abiatu eta Roubaixen amaitzen zen. 1968tik Compiègnen (Parisko erdigunetik 60 km ipar-ekialdera) hasten da eta Roubaixen bukatu. Oso ibilbide latza du, tarte batzuetan galtzadarrizko zolarekin. Lasterketa honen ibilbidearen gogortasunaren ondorioz hainbat ezizen jaso izan ditu: Iparraldeko Infernua, Klasiketan Klasika, Klasiken Erregina, Igandeko Infernua edota Azken Erokeria.

Milan-San Remo, Flandriako Tourra, Lieja-Bastogne-Lieja eta Lonbardiako Giroarekin batera Txirrindularitzako Bost Monumentuetako bat da. Bestalde, Galtzada-harrien klasikoak osatzen duten lau lasterketako bat ere bada.

Garaipen gehien lortu dituzten txirrindulariak bi izan dira, biak ere belgikarrak eta launa garaipenekin: Roger De Vlaeminck (1972, 1974, 1975 eta 1977) eta Tom Boonen (2005, 2008, 2009 eta 2012).