Phillip Sharp

Phillip Sharp
(2007) Irudi gehiago
Bizitza
Jaiotza	Falmouth, 1944ko ekainaren 6a (80 urte)
Herrialdea	Ameriketako Estatu Batuak
Hezkuntza
Heziketa	Illinoisko Unibertsitatea Urbana–Champaignen Union Commonwealth University (en)
Hezkuntza-maila	Doktoretza
Doktorego ikaslea(k)	Andrew Fire Constance Cepko (en) Richard Carthew (en)
Hizkuntzak	ingelesa
Irakaslea(k)	James Dewey Watson
Ikaslea(k)	ikusi Andrew Fire
Jarduerak
Jarduerak	genetista, biologo molekularra, unibertsitateko irakaslea, kimikaria eta biokimikaria
Parte-hartzailea World Economic Forum Annual Meeting 2016 (en)
Enplegatzailea(k)	Massachusettseko Teknologia Institutua Kaliforniako Teknologia Institutua
Jasotako sariak	ikusi Albert Lasker Award for Basic Medical Research  (1988) Medikuntzako Nobel Saria  (1993) Canada Gairdner International Award  (1986) Zientzia Domina Nazionala  (2004) Louisa Gross Horwitz Prize  (1988) Alfred P. Sloan, Jr. Prize  (1986) Dickson Prize in Medicine  (1991) NAS Award in Molecular Biology  (1980) Mendel Medal  (1993) Foreign Member of the Royal Society  (2011) Othmer Gold Medal  (2015) Howard Taylor Ricketts Prize  (1985) AACR Award for Lifetime Achievement in Cancer Research  (2020) Winthrop-Sears Medal
Kidetza	Royal Society Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia European Molecular Biology Organization (en) Amerikako Sozietate Filosofikoa Zientziak Aurrera Egiteko Elkarte Amerikarra

Phillip Allen Sharp (Falmouth, Kentucky, 1944ko ekainaren 6a) estatubatuar biologoa da.

Illinoisko Unibertsitatean eskuratu zuen kimikako doktoregoa, 1969. urtean; 1966tik 1969ra kimikako ikerketa-sailean jardun zuen eta doktorego ondorengo lanak egin zituen Kaliforniako Teknologia Institutuan, 1971 arte. Ondoren James D. Watson Nobel saridunarekin lan egin zuen New Yorken, Cold Spring Harbor Laborategian, biologia molekularraren alorreko ikerketak egiten. 1974an Massachusettseko Teknologia Institutuan sartu zen (MIT), eta minbiziari buruzko ikerketa zentroko zuzendari izan zen. 1991n sartu zen Teknologia Institutuko biologia-sailean. Garrantzi handiko ikerketak egin ditu geneetan material genetikoa nola antolatzen den ezagutzeko. Geneak sarritan etenak direla aurkitu zuen bere lanekin, Richard Robertsek bere aldetik egindako ikerketetan aurkitu bezala, eta lan horiengatik Medikuntzako Nobel Saria eman zieten biei. 1977an bi zientzialariok erakutsi zutenez, geneetan badira ezer kodetzen ez duten material genetikoko atalak, atal ez aktiboak, genea eteten dutenak; eten edo sekzio horiei intron izena eman zitzaien gerora. Zientzialari askoren ustez, intron horiek badute zerikusirik aldaera genetikoetan, eta garrantzi handikoak izan dira haiei buruzko ikerketak herentziazko eritasunen bilakaeran.