Pliozeno duela 5,332 milioi urte eta 2,588 milioi urte arteko epoka geologikoa da. Pliozeno Miozeno eta Pleistozeno arteko epoka da, Neogenoren bigarren garaia izanik. Lehen duela 1,806 milioi urte amaituriko Gelasianoa zuen barnean, baina Nazioarteko Estratigrafia Biltzarrak duela gutxi Pleistozenoren barnean sailkatu zuen garai hori[1][2].
Charles Lyellek pliozeno hitza asmatu zuen, antzinako grezierazko πλεῖον pleion (gehiago) eta καινός kainos (berri) hitzak batuz[3].