Poligono angeluberdin

Euklidear geometrian, poligono angeluberdina angelu guztiak berdinak dituen poligonoa da. Aldeak ere berdinak baditu, poligono erregularra ere bada. Triangelu angeluberdin bakarra triangelu aldeberdina da. Laukizuzenak –karratua barne– lauki angeluberdin bakarrak dira. Orokorrean, angelu guztiak berdinak dituen poligono batek, triangeluaren kasuan izan ezik, ez du zertan aldeberdina izan, ezta erregularra ere.

Poligono angeluberdinetan, angelu bakoitzaren zabalera 180° − ${\displaystyle {\tfrac {1}{n}}}$(360°) da (poligono angeluberdinen teorema), non n aldeen kopurua den.

Poligono zikliko bat angeluberdina da, baldin eta soilik aldeak berdinak badira txandaka (hau da, 1., 3., 5... aldeak berdinak badira, eta 2., 4., 6... aldeak berdinak badira). Orduan, n bakoitia bada, poligono ziklikoa angeluberdina da, baldin eta soilik erregularra bada.^[1]

1. ↑ De Villiers, Michael. "Equiangular cyclic and equilateral circumscribed polygons", Mathematical Gazette, 95, Mmarç de 2011, 102-107 (Ingelesez)