Sozialismo demokratiko |
![]() |
Sozialismo motak |
Sozialismo demokratikoa[1] demokrazia eta sozialismoa bikote banaezintzat hartzen dituen ideologia politikoa da. Sozialismo demokratikoa sozialismoaren aldaera bat da, oinarrizko mugimenduen alde, deszentralizazioa eta demokrazia ekonomikoa berehala sortzeko helburuarekin kapitalismotik sozialismora igarotzeko metodo autoritarioak baztertzen dituena.
Sozialistek beren jarrera sozialismoa zein demokrazia dela argitzeko termino hori maiz erabiltzen dute. Sozialista demokratikoak hauteskundeetatik sozialismorako trantsizioren edo masen bat-bateko iraultzaren alde daude, marxismo-leninismo hobesten duen alderdi bakarreko estatua sozialista autoritarioengandik bereizteko.
Sozialdemokraziaren sinonimo bezala erabili ohi den arren, egia esan askoz termino zabalagoa da, izan ere, sozialismo demokratikoak bere barnean bere burua ezker politiko edo ezker erreformista hartzen duten korronte ezberdinak hartzen ditu. Sozialdemokrazia, aldiz, XIX. mendearen bigarren erdian Europan sortutako ideologia bat da, nagusiki ekonomia mistoa eta ongizate-estatua defendatzen dituena. Gaur egun, sozialdemokratek sozialismoaren eta kapitalismoaren elementuak defendatzen dituzte, ekonomia misto bezala ezagutzen den horretan konbinatuta, ezker politikoak bere ezaugarri nagusitzat dituen justizia sozialeko idealak alde batera utzi gabe.