Back لعبة لوحية Arabic Настолни игри Bulgarian Pamainan papan BJN ছকের খেলা Bengali/Bangla Igra na ploči BS Joc de tauler Catalan کایەی تەختەیی CKB Desková hra Czech Brætspil Danish Brettspiel German
Taula-jokoak espreski prestaturiko taula baten gainean jokatzen diren jokoak dira, taula gainean piezak jarri, kendu edo mugituz. Taula egurrezkoa, kartoizkoa edo beste material batekoa izan daiteke eta bertan gelaxkak, ibilbideak eta, oro har, jokorako behar diren elementuak agertzen dira. Gehienetan bi jokalari gutxienez eskatzen dituzten jokoak dira eta aurkariak taulako alde banatan jartzen dira jolasteko. Taula-jokoak estrategia-jokoak izaten dira, non jokalari bakoitzak egin behar dituen mugimenduak besteak egindako edo egin beharreko mugimenduak zein diren erabaki behar dira, baina taula-joko askotan zoria ere agertzen da, txanda bakoitzean bota beharreko dadoen bitartez esaterako. Nolanahi ere, jokalariak ez dira derrigor aurkariak izan behar, eta orduan taula-jokoa kooperatiboa dela esaten da.
Interneten garapenak taula-joko asko urruneko jokalarien aurka, harreman zuzena izan gabe, jolasteko aukera eman badu ere, taula-jokoak mahai baten inguruan jolasteko sortu dira historian zehar. Haur eta helduen sozializaziorako garrantzitsuak dira, jokoaren arauak errespetatu eta besteekiko harremanak lantzen (galtzen eta irabazten ikasi) laguntzen dutelako. Haurren kasuan, zenbatzen, irakurtzen eta bestelako gaiak jorratzeko (historian girotutako jokoetan, esaterako) oso egokiak dira gainera. [1]
- ↑ Pritchard, D. Brine. (1994). The encyclopedia of chess variants. Games & Puzzles ISBN 0-9524142-0-1. PMC 60113912. (Noiz kontsultatua: 2022-12-02).