The Sims | |
---|---|
Jatorria | |
Sortzailea(k) | Will Wright |
Argitaletxea | Electronic Arts |
Ezaugarriak | |
Genero artistikoa | life simulation game (en) |
Ekoizpena | |
Diseinatzailea | Will Wright |
Garatzailea | Maxis (en) |
Fikzioa | |
Kontakizunaren tokia | SimNation (en) |
Fikzio-unibertsoa | The Sims universe (en) |
ea.com… | |
The Sims simulazio sozial arloko bideojoko serie bat da. Diseinatzailea Will Wright izan zen eta Maxis-ek garatu eta Elektronic Arts erakundeak argitaratu zituen. Bideojokoen serie arrakastatsuenetako bat da. Zehazki, 2008ko apirilaren 6an frankiziak 100 milioi bideojoko saldu zituen mundu osoan eta historiako bideojokoen frankiziarik salduena da. The Sims 4 sagako salduena da, 30 milioi kopia baino gehiago saldu baititu; ondoren, The Sims (14 milioi), The Sims 2 (7 milioi) eta, azkenik, The Sims 3 (6 milioi kopia saldu dira).
Serie honetako bideojokoek ez dute helburu zehatzik. Jokalariak “Sims” izeneko pertsonaiak sortzen ditu eta hauekin elkar eragiten du, pertsonaia bakoitza etxeetan jarriz eta hauen nahiak betetzen saiatuz (edo guztiz kontrakoa). Jokalariek bere Sims-ak prefabrikatutako etxeetan edo beraiek eraikitako etxeetan jar ditzakete. Jokoaren hedapen-pakete bakoitzak jokalariek bere Sims-ekin egin dezaketena handitzen du, izaki edo maskota gehiago sortzeko ahalmenarekin, baita lanpostu, urtaro, elkarrekintza, joko-modua, objektu edo osagarriak berriak ere.