Zezenketa

Zezenketa zezenak toreatuz egindako tauromakia ikuskizuna da. Espainian, Portugalen, Latinoamerikako herrialde batzuetan (Mexiko, Kolonbia, Venezuela, Peru eta Ekuador^[1]) eta Frantziako hegoaldean gertatzen dira, baita Euskal Herrian ere. Ekitaldi horietan, zezen bat edo gehiagoren lidia egiten da, kirol edo aisialdi asmoekin. Haren defendatzaileek, aldiz, lehiaketatzat baino gehiago, artetzat hartzen dute, lehiarik ez dagoela argudiatuz. Ikuskizun hauetan zezena hil ohi da. Portugalen zezena plazan hiltzea debekaturik dago, nahiz eta ukuiluan hiltzen duten. Portugaldarren eraginez, hain zuzen, zezenketen aldaera ez hilgarri bat Tanzanian egiten da, Pemba uhartean.^[2] Omanen^[3] eta Tamil Nadu Indiako estatuan —jallikattu deitutako ikuskizuna^[4]— zezenketaren antzeko ikuskizunak egiten dira.

Zezenketatarako lekuari zezen-plaza deritzo. Euskal Herrian banaka batzuk daude: Bilbon, Baionan, Iruñean, Gasteizen, Donostian, Azpeitian, Tolosan zein Enkarterrin, besteak beste.

1. ↑ (Gaztelaniaz) La tauromaquia en Latinoamérica
2. ↑ (Ingelesez) Argazkien deskripzioak Pembako zezenketen argazkiak, Flickr-en
3. ↑ (Ingelesez) Spotlight On Bullfighting In Oman
4. ↑ (Ingelesez) [1]