Back تلوين تسيل-نلسن Arabic Афарбоўка па Цылю-Нільсену Byelorussian Оцветяване по Цил-Нилсен Bulgarian Tinció de Ziehl-Neelsen Catalan Ziehlovo–Neelsenovo barvení Czech Ziehl-Neelsen-Färbung German Ziehl–Neelsen stain English Tinción de Ziehl-Neelsen Spanish Ziehl-Neelsenin värjäys Finnish Coloration de Ziehl-Neelsen French
Ziehl-Neelsen tindaketa Mycobacterium generoko bakterioak mikroskopio optikoan ikusteko erabiltzen den tindaketa berezia da, Ziehl eta Neelsen mediku alemaniarrek XIX. mendearen amaieran asmatu zutena.
Bakterioak ikusteko eta sailkatzeko gehien erabiltzen den prozedura Gram tindaketa da. Bakterio batzuek, ordea, zelula horma berezia dute, lipido asko dituena. Mycobacterium-ek, esaterako, azido mikolikoak eta argizariak dauzka, eta Gram tindaketarekin ez da tindatzen, hormaren lipidoek oztopatzen dutelako koloratzaileen sarrera. Zelula horma berezi horrek berezko ezaugarria dauka, aldiz: ez da destindatzen azido eta alkoholaren aurrean, gainontzeko bakterioengan gertatzen den bezala. Alegia, Mycobacterium azido-alholekiko erresistentea da. Ezaugarri berezi honetan oinarritzen da Ziehl-Neelsen tindaketa.