Z shell (edo, besterik gabe, Zsh) Unix motako sistema eragileetarako komando-interpretatzaile ahaltsua da, hala nola BSD edo GNU/Linux sistemetarako. Paul Falstad-ek 1990ean idatzi zuen Zsh-ren lehen bertsioa, Princetongo Unibertsitatean ikasle zenean.
Elkarreraginean erabiltzeko diseinatu zen Zsh. Unixeko beste shell batzuen ezaugarri nagusietako asko gehitu zaizkio, hala nola bash, ksh edo tcsh, eta, gainera, berezko ezaugarriak ditu.
MacOS Catalinak, 2019ko urrian merkaturatua, eta 2022ko abuztuan argia ikusi zuen Camaima 7.0k shell lehenetsi gisa hartu zuten Zsh, Bash ordezkatuz.
Zsh izena Yale Zhong Shaoko irakaslearena da, orduan Princetongo Unibertsitateko irakasle zena. Falstadek pentsatu zuen saio-hasierako izena, "zsh", izen ona zela shell batentzat.