Kambodja

Preăh Réachéanachâk Kâmpŭchéa

(Flagg Kongsríki Kambodja) (Skjaldarmerki Kongsríki Kambodja)
Tjóðarslagorð:
Tjóðsangur: "Nokor Reach"
Alment mál	Khmerskt
Høvuðsstaður	Phnom Penh
Kongur	Norodom Sihamoni
Forsætisráðharri	Hun Manet
Fullveldi	9. november 1953
Vídd  - tilsamans  - vøtn (%)	181,035 km² 2.5 %
Íbúgvar  - tilsamans 2013  - tættleiki	15,205,539 81.8/km²
Gjaldoyra	Riel (KHR)
Tíðarøki	UTC +7
Økisnavn á alnetinum	.kh
Telefonkota	+855

Kongsríki Kambodja (khmerskt ព្រះរាជាណាចក្រកម្ពុជា) er eitt land í Landsynningsásia. Kambodja var franskt hjáveldi fram til 1953, tá ið tað gjørdist sjálvstøðugt. Frá 1975 til 1979 beindu Pol Pot og Reyðu Khmerarnir fyri umleið 2 milliónum av sínum egna fólki, umleið fjórðinginum av fólkinum. Pol Pot megnaði hesi ár at drepa øll tey, sum høvdu útbúgvingar og vóru væl fyri í samfelagnum. Eisini tey, ið vóru kristin, buddistar ella dýrkaðu aðrar gudar, vórðu myrd. Pol Pot hevði sum mál at venda aftur til ár 0 og so byggja landið upp av nýggjum. Vietnamesar róku Reyðu Khmerarnar frá í 1979. Landið fekk kongsdømi og fólkaræði í 1993. Fólkið merkir framvegis sviðan av ræðuleikunum frá Pol Pot tíðini. Mestsum øll sum livdu tá, mistu fleiri familjulimir og landið var í skeljasori eftir kríggið.

Í Kambodja búgva nú umleið 15 milliónir, harav umleið 96 % eru buddistar, 2 % muslimar og 1 % kristin. Kambodja er millum fátækastu lond í heiminum. Korruptión er ein stórur trupulleiki í landinum. Serliga tey veiku og fátæku líða undir hesum. Stórur tørvur er á útbúgving og heilsuhjálp. Uml. 23 % av fólkinum eru analfabetar. Nógvar familjur hava tað trupult vegna alkoholismu og harðskap. Hetta gongur serliga hart út yvir kvinnurnar og børnini.