Kina

Henda greinin er um Fólkalýðveldið Kina. Sí Teivan fyri at lesa greinina um Lýðveldið Kina.

People's Republic of China
中华人民共和国
Zhōnghuá Rénmín Gònghéguó
Fólkalýðveldið Kina

(Flagg Kina) (Skjaldarmerki Kina)
Tjóðarslagorð:
Tjóðsangur: Yìyǒngjūn Jìnxíngqú
Alment mál	Kinesiskt
Høvuðsstaður	Beijing
Forseti	Xi Jinping
Forsætisráðharri	Li Keqiang
Fullveldi	1. oktober 1949
Vídd  - tilsamans  - vøtn (%)	9 572 419 km² 2,8 %
Íbúgvar  - tilsamans 2013  - tættleiki	1,353,821,000 137,32/km²
Gjaldoyra	Renminbi (CNY)
Tíðarøki	UTC +8
Økisnavn á alnetinum	.cn
Telefonkota	+86

Fólkalýðveldið Kina (kinesiskt: 中华人民共和国 Zhōnghuá Rénmín Gònghéguó) er eitt stórt land í Asia. Kina er tað landið í heiminum, sum hevur flestar íbúgvar (1,3 milliardir). Fimtahvørt fólk í heiminum nú á døgum býr í Kina. Hetta ovurstóra landið er næstan líka stórt sum alt Evropa og triðstørsta land í heiminum, næst Russlandi og Kanada. Høvuðsstaður er Beijing og londinum hevur mark við 15 lond: Russland, Norðurkorea, Mongolia, Kasakstan, Kirgisia, Tadsjikistan, Afghanistan, Pakistan, India, Nepal, Butan, Burma, Laos, Vjetnam og Hongkong. Í Kina eru mong mál. Høvuðsmálið er kinesiskt.

Kina skal breyðføða 20 prosent av heimsins menniskjum við sjey prosentum av heimsins landbúnaðarjørð, og ein triðingur av heimsins fólkum fáa vatn úr kinverskum áum. Skjótføra iðnaðargerðin í Kina hevur havt við sær dálking og turk, og náttúran í Kina er vorðin til eitt hermót, har granskarar, umhvørvisfólk, stjørn og tey 1,3 milliardirnar fólk berjast. Kina er í stórum vøkstri, og vøkstur er raðfestur ovarlaga, tí hevur umhvørvismálaráðið ilt við at tálma árinini av vøkstrinum.