![]() |
A Oglala san ään faan a onerstamer faan a Lakota indioonern uun det Sioux spriakfamile.
A Oglala tääld 2013 noch 46.000 lasmooten an san a gratst onerstam mad a Lakota. Jo wiar a iarst Lakota, diar auer a Missouri River efter waasten waanert, an diar tesken a Missouri an a Black Hills lewet. Daalang lewe a miasten uun en reserwatsion uun South Dakota.
Tu a Lakota hiar noch sääks ööder onerstamer, det san a Brulé, Hunkpapa, Minneconjou, Sans Arc, Sihasapa an Two Kettles. Jo haa iar faan't jacht üüb a Amerikoonsk Büfel (Biison) uun a Great Plains lewet, an üs nomaaden uun tipis wenet.
A Oglala haa fertwiiwelt am hör freihaid streden. Bi't Sliak am Little Big Horn tesken 1875 an 1877 an tuleetst bi a Wounded Knee struum san flook Oglala amkimen. A US-soldooten strääd oner Generaal Custer, an a Sioux wurd uunfeerd faan Sitting Bull.