Alaska

Steat Alaska State of Alaska
flagge	wapen
North to the Future (Ingelsk, "Noardoan nei de Takomst")
lokaasje yn de Feriene Steaten
algemien
ôfkoarting	AK
lân	Feriene Steaten
status (jier)	steat (1959)
haadstêd	Juneau
grutste stêd	Anchorage
offisjele taal	Ingelsk en 20 lânseigen talen (sjoch § Taal)
sifers
ynwennertal	736.732 (2014)
befolkingstichtens	0,5 / km²
oerflak	1.717.856 km² (13,8% wetter)
bykommende ynformaasje
bynamme	de Last Frontier
tiidsône	UTC –9 (east fan 169°30′) UTC –10 (west fan 169°30′)
simmertiid	UTC –8 (east fan 169°30′) UTC –9 (west fan 169°30′)
webside	www.alaska.gov

Dizze side giet oer de Amerikaanske steat Alaska. Foar oare betsjuttings, sjoch: Alaska (betsjuttingsside).

Alaska (Ingelsk: Alaska; útspr.: [ə'læskə], likernôch "uh-lês-kuh",  beharkje; Aleoetysk: Alax̂sxax̂; Alutiik: Alas’kaaq; Injûpiat: Alaasikaq; Tlingit: Anáaski), offisjeel de Steat Alaska (Ingelsk: State of Alaska), is ien fan 'e fyftich steaten dy't mei-inoar de Feriene Steaten fan Amearika foarmje. Alaska, byneamd de Last Frontier, leit los fan 'e legere 48 steaten yn it uterste noardeasten fan it Noardamerikaanske kontinint, ynklamme tusken Kanada en de Beringsee. De haadstêd is Juneau, mar de grutste stêd is Anchorage. Neffens in skatting út 2014 hie de steat doe krapoan 737.000 ynwenners, wêrmei't it kwa befolkingsgrutte de 48e steat fan 'e Feriene Steaten is. Oangeande oerflak is Alaska mei hast 1.718.000 km² fierwei de grutste steat. Alaska stiet bekend om syn ierdoalje, fiskerij en ûnoantaaste natoer.