Back Britoniese tale Afrikaans Brythonisch ALS بريثونية Arabic لغات بريتونيه ARZ Llingües britóniques AST بریتونی دیللری AZB Britannische Sprochn BAR Брыцкія мовы BE-X-OLD Бритски езици Bulgarian ব্রিথনীয় ভাষাসমূহ Bengali/Bangla
| Brytoanyske talen | ||
| algemien | ||
| oare namme(n) | Brittannyske talen | |
| lokaasje | Grut-Brittanje (eilân) en Bretanje | |
| tal talen | 4 (of 5) (ynkl. deade talen) | |
| tal sprekkers | ±950.000 (2007-2015) | |
| taalbesibskip | ||
| taalfamylje | ● Yndo-Jeropeesk ● Keltysk ● Eilânkeltysk ● Brytoanysk | |
| subgroepen | ● Westbrytoanyske talen ● Súdwestbrytoanyske talen | |
De Brytoanyske talen, ek wol de Brittannyske talen neamd, foarmje ien fan 'e beide noch libbene taalgroepen fan 'e Keltyske taalfamylje. Dizze talen geane werom op in mienskiplike oertaal, it Proto-Brytoanysk, dat fan 'e Izertiid oant de ein fan 'e Romeinske Tiid op it eilân Grut-Brittanje besuden de Firth fan Forth sprutsen waard. Noardlik dêrfan waard it Piktysk sprutsen, dat wierskynlik besibbe, en mooglik sels ien fan 'e Brytoanyske talen wie. Ut it Proto-Brytoanysk ûntjoegen har tsjin 'e Iere Midsiuwen it Welsk en it letter útstoarne Kumbrysk (de Westbrytoanyske talen) en ek it Kornysk en it Bretonsk (de Súdwestbrytoanyske talen). Hjoed oan 'e dei wurde de Brytoanyske talen noch as memmetaal sprutsen troch sa'n 950.000 minsken.