Ewer is in buorskip yn de gemeente De Marne yn de provinsje Grinslân. Hy leit tusken Houwersyl en Zuurdijk. De buorskip bestiet út in twatal pleatsen en wat arbeidershúskes út de twadde helte fan de 19e iuw. De wierde is yntern ferbûn troch reden.
Ewer is ûntstien op ien fan de âldste wierden yn dit diel fan de provinsje en wurdt – krektas de wierden Eenrum en Grut Maarslach – yn elk gefal al sûnt it begjin fan de jiertelling bewenne. Fanâlds lei de wierde op de westouwer fan de Hunze, dy't doe noch útrûn yn de Waadsee op it plak dêr't no Piterbuorren leit.
Yn de fyftjinde iuw komt de namme Ewe foar as haadlingenlaach. Oannomd wurdt dat der in stienhûs stien hat, hoewol't dêr útsein inkele fûneminten, gjin spoaren fan bewarre bleaun binne.
De namme Ewer komt ek foar as Eweweer, wat dan wierde fan Ewe betsjutte soe, dêr't by Ewe in eigennamme wêze soe.