Numydje

Keninkryk Numydje Inumiden Regnum Numidiae
202 f.Kr. – 40 f.Kr.
flagge	wapen
geografyske lokaasje
It Numidyske keninkryk yn syn wiidste omfieming
polityk
haadstêd	Sirta, it hjoeddeistige Konstantine (Algerije)
offisjele taal	•Numidysk •Berbersk •Punysk •Latyn
steatsfoarm	keninkryk
ûntstien út	Kartago Massyljers Massesyljers
opgien yn	• Romeinsk Numydje •Mauretaanje
no diel fan	• Algerije • Lybje • Tuneezje
sifers
ynwennertal	net bekend
bykommende ynformaasje
muntienheid	Numidyske munten

Numydje (Berbersk: Inumiden, Latyn: Numidia) wie in keninkryk fan de Numydjers yn de âldheid fan 202 f.Kr. oant 40 f.Kr. yn dat hjoed-de-dei Algerije en in lyts part fan Tuneezje en Lybje is. It lân wie ynearsten ferparte yn twa keninkriken: de Massyljers yn it easten en de Massesyljers yn it westen. Yn de Twadde Punyske Oarloch (218-201 f.Kr.) fersloech Masinissa, de kening fan de Massyljers, Syffaks fan de Massesyljers en ferienige dêrmei Numydje yn ien keninkryk. It keninkryk wie ynearsten in ûnôfhinklik lân, dêrnei't it in Romeinske fazalsteat waard en ta einbeslút in Romeinske provinsje.

Numydje grinzge yn syn wiidste omfieming yn it westen oan it keninkryk Mauretaanje by de rivier de Moulouya, yn it easten oan Syrenaika (hjoed-de-dei yn Lybje), yn it noarden oan de Middellânske See en yn it suden oan de Sahara. It keninkryk Numydje wie ien fan de earste promininte steaten yn de Magreb