Panama City Beach (Floarida)

Panama City Beach
Emblemen
Polityk
Lân	Feriene Steaten
Steat	Floarida
County	Bay County
Sifers
Ynwennertal	12.018 (2010)
Oerflak	48,2 km² (ynkl. wetter) 47,6 km² (allinnich lân)
Befolkingsticht.	250 / km²
Stêdekloft	Panama City
Hichte	3 m
Oar
Stifting	1939
Tiidsône	UTC-6
Simmertiid	UTC-5
Koördinaten	30°10′36″N 85°48′20″W
Offisjele webside
www.pcbgov.com
Kaart
De lizzing fan Panama City Beach yn Bay County en yn 'e steat Floarida.

Panama City Beach is in stêd yn Bay County, yn it noardwesten fan 'e Amerikaanske steat Floarida, dêr't it yn 'e Florida Panhandle oan 'e saneamde Smaragdkust (Emerald Coast) fan 'e Golf fan Meksiko leit. Panama City Beach is in baaiplak en in populêre fakânsjebestimming. Fanwegen syn 14 km oan unike hagelwite strannen fiert de stêd as biedwurd the World's Most Beautiful Beaches ("Wrâlds Moaiste Strannen"). Oars as dat gauris tocht wurdt, is Panama City Beach net in ûnderdiel fan it gruttere en âldere Panama City, mar in selsstannige gemeente. Panama City Beach hie neffens gegevens fan 'e folkstelling fan 2010 doe sa'n 12.000 ynwenners. It heart ta de stêdekloft fan Panama City-Lynn Haven, dy't in befolking hat fan krapoan 170.000 minsken.